كيف نحضّر المقدوس؟
من اختيار الباذنجان للتعبئة، هاي الخطوات اللي بنمشي عليها بكل دفعة، بنفس الطريقة التقليدية الأردنية.
-
1
اختيار الباذنجان
بننقي الباذنجان البلدي الصغير، اللمّيع والقاسي، بحجم متساوي لحتى يستوي كله بنفس الوقت.
-
2
التحضير
بنسلق الباذنجان لحد ما يطرى، بنشقه من النص، بنملّحه وبنكبسه تحت تقل ليوم كامل لحتى تطلع كل المي منه. هاي الخطوة سر المقدوس اللي ما بيخرب.
-
3
الحشو
بنحشي كل حبة بخلطة جوز طازة، فليفلة حمراء، ثوم وملح. وإذا طلبت بدون مكوّن معين، بنحشيلك دفعتك بدونه.
-
4
التمليح والحفظ
المقدوس بيتصفّ بالمرطبانات وبيتغمر بزيت الزيتون الأصلي. والمكبوس بينحفظ بالماء والملح. بنتركه يستوي أسبوع لأسبوعين قبل ما يطلع.
-
5
التعبئة والتوصيل
بنعبي المرطبانات بعناية، بنسكرها منيح، وبنوصلها لباب بيتك بأي محافظة.
كيف بتعرف المقدوس الأصلي؟
المقدوس الأصلي باذنجانه طري بس متماسك، وما فيه مي بقاع المرطبان، وريحته زيت زيتون وجوز. الحشوة مليانة والزيت بيغطي الحبات كلها. هيك بيكون كل مرطبان من باذنجان.